Message 16: Farewell Australia! But not for good..

Sa, dit sil foarearst myn lêste epistel fanut Australië wêze. Moarn om 12.40 oere sil flucht QF025 fan Melbourne Airport opstijge om om 18.00 oere pleatselyke tiid te landen yn Auckland, Nij-Seelan. Ik moat sizze dat it my momenteel wol wat in raar gefoel in myn buk besoarget. Nei twa moanne mei Doutsen en Anke op reis sil ik fanôf moarn wer op mysels wêze. Ik sil der wer efkes oan wenne moatte, dat is in ding wat seker is.

Tegelykertiid gean myn gedachten ut nei alle moaie attraksjes fan Nij-Seelan. Witte jimme it noch? In skoftke lyn hie ik myn eigen to-do-list makke, myn eigen checklist fan dingen dy ik graach yn it lan fan de Maori's dwaan wol. Om it geheugen wer wat op te frissen, dit wie him:

- Canoeing/Kayaking
- Diving
- Dolphin swimming
- Mountainbiking
- Sailing
- Abseiling
- Whale watching
- Bungeejumping
- Rafting
- River sledging
- Skydiving
- Surfing
- Hiking

Mar om net drekt fan streek te reitsjen, earst efkes werom yn de tiid. Myn leste wike Australië, hoe seach dat der út?

Wêr wienen we bleaun? It wie ferline wike tongersdei en it wie noch foarnamelyk tennis wat de klok sloech. Net yn it stadion, mar op Federation Square op it grutte skerm yn it centrum fan Melbourne. Hjir wiene we tsjuge fan Tsonga-Nadal. Lykas dat we freeds der Djokovic-Federer besjoen hawwe. Beide utslaggen wiene ferrassend te neamen, mar derom net minder fertsjinne. Wer't hast eltsenien de 'droomfinale' foar eagen hie kamen Tsonga en Djokovic as winners ut de striid. It wie feest op strjitte mei de Fransen en de Serven.

Sneon wie de dei fan de froulju's finale: Ivanovic-Sharapova. Lokaasje wie wer Federation Square. Wat in drokte wer mei safolle minsken, it wie der net minder gesellich om. Nei ofrin fan dizze finale (Sharapova wun yn 2 sets) binne we mei in groepke yn in grut dunsfeest bedarre, in soart dance-valley. Reden foar dit feest wie Australia Day, in nationale feestdei. Noch nea hearder hie ik soks mei makke, mar wat in feest! Ek waard der noch spektakulair fjoerwurk ofstutsen. Al mei al in prachtig moaie dei han.

Tsonga-Djokovic, dat wie dus it affiche fan de manlju's finale fan de Australian Open. Dit ha ik tegearre mei wat freonnen op Melbourne Park belibje mochten, op it terrein fan it tennispark, neist de Rod Laver Arena. Net deryn, mar helaas wer op it grutte skerm. Prachtige wedstriid mei uteindelyk Djokovic as winner.

Juster binne we eins foar it earst Melbourne oan it ferkennen west. It wie hieltiten tennis wat ús dwaande halden hat, mar no't dat der net mear wie koene we us eindelyk op oare saken stoarte. Net dat hjir no sa'n hiele protte te besjen is, mar dochs ha we efkes in runtsje troch de stêd makke.

Tuskentroch bin ik noch wat oan it sporten. Sa ha ik ôfrûne wike tegearre mei myn Amsterdammers twa kear oan it fuotbaljen west. Ek ha ik dernei it keatsbaltsje der efkes bypakt. En oh, wat sieten dy keardels te skriemen dat sa'n 'kaatsenbal' sear docht oan de hannen. Mar dochs ha se harren der in tiidsje oan weage. Sjoch de foto's soe ik sizze.

Ik sil der mar wer in einde oan breidzje. Oant de folgende kear fanút Nij-Seelan!

Groetnis DYS